Азия балалары астанада

Posted on By РедакцияPosted in ЖаңалықтарTagged

Астанада 12 жасқа дейінгі балалар арасында теннистен құрлықтың командалық біріншілігі басталды.

Елорданың Ұлттық теннис орталығының орталық кортында балалар арасындағы Азия чемпионатының командалық біріншілігі салтанатты түрде басталды, оның біздің құрлықта ғана емес, әлемдік турнирлерде де болашағы зор. Салтанатты рәсімге Қазақстан теннис федерациясының вице-президенті Диас Досқараев және Батыс Азия өңіріндегі теннисті дамыту жөніндегі ITF комитетінің мүшесі Амир Боргей қатысты.

– Қазақстан теннис федерациясы бұл жобамен ұзақ уақыт жұмыс істеді және оны алғаш рет өткен жылы ҚТФ президенті Болат Өтемұратовтың қолдауымен іске асырды, ол өзінің жеке қаражатынан 2 млн доллар бөлді. Жас теннисшілер үшін бұл турнир – баға жетпес тәжірибе. 14 жасқа дейінгі балаларға арналған көптеген жарыстар бар, бірақ 12 жасқа дейінгі спортшылар үшін мұндай іс-шаралар ешқашан болған емес. Бірақ осы жастағы балалар халықаралық турнирлерде өнер көрсетуге дайын, – деп атап өтті Диас Досқараев турнирдің ашылуы алдында.

 

Өз кезегінде Амире Боргей осы жарыстың маңыздылығын атап өтіп, қабылдаушы тарапқа планетаның ең үлкен аймағында спорттың осы түрін дамытқаны үшін ерекше алғысын білдірді.

– Мен Қазақстан теннис федерациясына екінші жылы осындай іс-шараны өткізгені үшін алғыс айтқым келеді. Әрине, мұндай чемпионаттар Азияда ғана емес, әлемнің басқа аймақтарында да өткізіледі. Бірақ бұл біріншілік – командаларды біріктіретін санаулылардың бірі. Халықаралық теннис федерациясында 5 жылдан астам тәжірибеге ие бола отырып, мен бұл спорт Азияда белсенді дамып келе жатқанын сенімді түрде айта аламын. Ең жақсысы, түрлі турнирлерге қатысып қана қоймай, осындай жарыстарды өзі ұйымдастыратын Қазақстан үлкен жетістіктерге қол жеткізді, – деп атап өтті беделді қонақ.

Бұл жолы чемпионат үшін 13 Азия елдерінің өкілдері күресуде: Ливан, Қазақстан, Қытай, Өзбекстан, Гонконг, Оңтүстік Корея, Непал, Таиланд, Малайзия, Үндістан, Иран, Индонезия және Қытай Тайпейі. Еліміздің құрама сапында республиканың үздік теннисшілері – Айя Нупбай (Алматы), Жанель Оспанова (Астана), Әдемі Аманкелді, Ілияс Маратұлы (Астана), Дархан Жақангер (Алматы), Дастан Жақангер (Алматы) өнер көрсетеді. 

Автор: Қошқарбек Түсіпов