Нархоз түлектердің сұранысы бойынша әлемдік топ-200-ге енді
Жаңартылған QS World University Rankings рейтингінде 2027 жылы Нархоз университеті «түлектердің сұранысы» (Employment Outcomes) базалық көрсеткіш бойынша Қазақстан мен Орталық Азияның басқа да елдеріндегі жоғары оқу орындары арасында кезекті рет бірінші орын иеленді.
Нархоздың жоғары нәтижесі түлектердің кәсіби жетістіктері тұрғысынан аймақтық лидерлікпен ғана шектелмейді. Жалпы әлемдік есепте қазақстандық университет топ-200-ге енді, бұл оны 1500-ден астам қатысушылардың арасында планетаның үздік жоғары оқу орындарының 15%-мен бір қатарға қояды.
Оң динамика басқа да негізгі бағыттар бойынша атап өтілді. Оқытушылар мен студенттер санының ара-қатынасы бойынша Нархоз 701-800 диапазонынан 501-600 тобына көтерілді. Оқытушылар мен студенттердің неғұрлым теңдестірілген ара-қатынасы мазмұнды кері байланыс, академиялық тәлімгерлік және студенттерді жобалау мен зерттеу жұмыстарына тарту мүмкіндіктерін кеңейтеді.
Университет интернационалдандыру көрсеткіштері бойынша да айтарлықтай жақсарды. Сонымен бірге шетелдік студенттердің үлесі бойынша университет 701-800 тобынан 501-600 диапазонына көшті, бұл оның басқа елдердің жастары үшін өсіп келе жатқан тартымдылығын көрсетеді. Сонымен қатар Нархоз шетелдік оқытушылар саны бойынша да мықты позицияны сақтап қалды. Бұл – интернационалдандыру мен академиялық орта сапасының маңызды көрсеткіштерінің бірі.
Нархоздың жаһандық табысы Ғылым және жоғары білім министрлігінің мамандыққа толық кіру нүктесі ретінде заманауи университеттерді дамыту жөніндегі стратегиялық көзқарасы мен дәйекті саясатын көрсетеді. Бұндай тәсіл сұранысқа ие құзыреттіліктері бар мамандарды даярлау мен студенттердің оқыту процесінде практикалық тәжірибе алуын қамтиды.
«Жастар мен ата-аналардың жоғары білімге деген талаптары бүгінгі күні айтарлықтай өсті. Университетті таңдағанда, олар оның беделін немесе білім беру бағдарламаларының танымалдылығын ғана бағаламайды. Дипломның халықаралық тұрғыдан мойындалуы, әр түрлі салаларда тәжірибеге ие оқытушы-практиктердің білім беру процесіне қатысуы, алынған білім мен дағдылардың өзектілігі, сол сияқты түлектердің нақты мансаптық перспективалары қашанда болса маңызды.
Министрлік университеттерді білім беру бағдарламаларын үнемі жаңартып отыру, бизнеспен және жұмыс берушілермен әріптестікті дамыту, тәжірибеге бағдарланған оқытуды енгізу мен білім беру сапасын бағалаудың ашықтығын арттыруға дәйекті түрде ынталандырады. Университеттер еңбек нарығының сұраныстарына дер кезінде жауап беретінін және Қазақстанда да, халықаралық деңгейде де сұранысқа ие мамандарды даярлайтынын көрсететін түлектердің кәсіби жетістіктері осы жұмыс тиімділігінің ең жақсы дәлелі болып табылады», – деп атап өтті Қазақстан Республикасының Ғылым және жоғары білім министрі Саясат Нұрбек.
Нархозда бұл тәсіл барлық білім беру моделінің, яғни бағдарламаларды әзірлеу мен үнемі жаңартудан бастап, практикалық дайындық пен түлектердің еңбек нарығына шығуына дейінгі негізі болып табылады. Университет жұмыс берушілер мен салалық сарапшыларды сұранысқа ие құзыреттерді анықтауына, курстардың мазмұнын қалыптастыру мен оқыту нәтижелерін бағалауға жүйелі түрде іске тартады. Оқыту барысында студенттер компаниялардың нақты міндеттерімен жұмыс істейді, қолданбалы жобаларға қатысады, тәжірибе мен тағылымдамадан өтеді, кәсіби портфолио қалыптастырады және кешенді мансаптық сүйемелдеу алады.
Қосымша мүмкіндіктер Queen’s University Belfast, Illinois Tech, Mykolas Romeris University және La Rochelle University-мен бірлескен қос дипломдық бағдарламаларды ашады. Осы бағдарламалардың арқасында студенттер өз біліктіліктерін халықаралық стандарттарға сәйкес растайды, шетелдік ортадағы жұмыс тәжірибесін иеленеді және Қазақстаннан тыс жерлерде кәсіби байланыстар желісін қалыптастырады. Бұл олардың ел ішінде де, шетелде де жұмысқа орналасуы мен білім алуды жалғастыру кезінде бәсекеге қабілеттілігін айтарлықтай арттырады.
Нархозда бұл мүмкіндіктердің барлығы түлекке алғашқы жұмысқа тезірек қол жеткізуіне көмектесетін әдіс ретінде қарастырылмайды. Университеттің көзқарасы әлдеқайда кең, ол – өзінің кәсіби дамуын өз бетінше басқара білетін, еңбек нарығының өзгеруіне бейімделе және мансап бойы сұранысты сақтай алатын адамды дайындау.
«Дипломның құндылығы алғашқы лауазымымен емес, түлектің бүкіл мансабы жолында қаншалықты сенімді дамып келе жатқандығымен анықталады. Сондықтан біз білім беруді ұзақ та мағыналы кәсіби траекторияның негізі ретінде қарастырамыз. Біз Ғылым және жоғары білім министрлігіне университеттерге еңбек нарығымен байланысты нығайту мен студенттер үшін кәсіби даму үшін берік негіз құруға көмектесетін жүйелі саясаты және үлкен қолдауы үшін алғыс айтамыз»,– деп атап өтті Нархоз университетінің Президенті Қанат Қожахмет.
Университеттің QS World University Rankings 2027 рейтингінің 1001-1200 тобындағы орнын сақтап қалуы Нархоздың дарынды студенттер, мықты оқытушылар мен жаһандық академиялық әріптестік бойынша халықаралық деңгейдегі бәсекеге қабілетті заманауи университетке дәйекті түрдегі трансформациясын растайды.
Дереккөз:TengriNews.kz