Новый аппарат ИВЛ послужит хорошим подспорьем в реанимации пациентов
Жаңа ӨЖЖ аппараты пациенттерді реанимациялауда жақсы көмек болады
28 қаңтарда Болат Өтемұратов Қоры Алматы облысындағы Шелек ауылының аудандық ауруханасына өкпені жасанды желдету аппаратын сыйға тартты, деп хабарлайды zakon.kz.
Ол Burabike Fest 2019 VII спорттық-музыкалық фестивалінің қорытындысы бойынша медициналық жабдықты алған алғашқы бенефициар болды.
Қайырымдылық іс-шарасы 2013 жылдан бастап Ақмола облысының Щучье-Бурабай курорттық аймағында жыл сайын өткізіліп келеді. Барлық ақшалай алымдар, атап айтқанда, тіркеу жарналары, демеушілік қайырымдылықтар, қайырымдылық аукциондары мен брендтелген спорттық жабдықтар дүкенінің түсімдері дәстүрлі түрде Қазақстан өңірлеріндегі ауруханалар, перинаталдық орталықтар мен клиникалар үшін өмірлік маңызды медициналық жабдықтарды сатып алуға бағытталады. Burabike Fest ұйымдастырушылары Болат Өтемұратов Қоры және Rixos Borovoe қонақ үйі болып табылады.
Құны 14 млн теңге болатын өкпені жасанды желдету (ӨЖЖ) аппараты Алматы облысы Еңбекшіқазақ ауданы халқына 180 төсекке есептелген және 50 мың адамға қызмет көрсететін Шелек ауылы аудандық ауруханасының жаңадан жөнделген реанимация бөлімшесіне берілді. Аурухана директоры Гүлнара Кураметова жаңа ӨЖЖ аппараты пациенттерді реанимациялауда жақсы көмек болатынын атап өтті. Ол Burabike Fest 2019 қатысушылары мен демеушілеріне, сондай-ақ Болат Өтемұратов Қорына алғысын білдірді.
Burabike Fest 2019 қатысушылары мен демеушілерінің арқасында қайырымдылық алымдар сомасы рекордтық 300,2 млн теңгені құрады. Елдегі сегіз медициналық мекеме пациенттерге көрсетілетін қызметтердің сапасын арттыруға көмектесетін жабдықты алады. Олардың ішінде Шелек ауылындағы аудандық аурухана бар. ӨЖЖ аппаратын тапсыра отырып, оны пайдалануға мүмкіндігінше аз себеп болғанын тілеймін, – деп атап өтті Болат Өтемұратова Қорының директоры Марат Айтмағамбетов.
Өткен жылдары Алматы облысында Болат Өтемұратов Қорының жабдықтарын Талдықорған перинаталдық орталығы, Панфилово (Талғар ауданы) және Алакөл (Алакөл ауданы) аудандық ауруханалары алды.
Биыл Burabike Fest 29 және 30 тамызда өтеді. Болат Өтемұратов Қоры әлеуетті бенефициарлардан медициналық жабдықтарды сатып алуға өтінімдер қабылдайды.
Дереккөз: https://www.zakon.kz/5004764-fond-bulata-utemuratova-podaril-apparat.html