«Асыл Мирас» аутизм орталығының жаңа ғимараты Қонаев көшесі, 122 мекенжайында орналасқан. Орталық аумағының ұлғаюына байланысты бейімдеу бағдарламаларымен жылына 300-ге жуық отбасы қамтылады. Бақытжан Сағынтаев жаңа орталыққа барып, мамандардың жұмысымен танысты. Сағынтаев Болат Өтемұратов Қорының қаланың әлеуметтік мәселелерін шешуге қосқан үлесін атап өтті. «Асыл Мирас» аутизм орталықтарының желісі аутизмі бар балалармен түзету жұмыстарының эталонына айнала отырып, өзінің тиімділігін дәлелдеді. «Орталықтың жаңа ғимаратқа көшуі мекеме мамандарына одан да көп балаларға көмек көрсетуге мүмкіндік береді», – деді әкім.
Алматыдағы «Асыл Мирас» 2015 жылы Болат Өтемұратов Қоры ашқан алғашқы аутизм орталығы болды. Өткен 7 жыл ішінде 2,8 мыңға жуық балаға АСА белгілерінің болуына диагноз қойылды, 1,5 мыңға жуық бала білікті көмек алды. Орталық интервенцияның алты бағдарламасы бойынша жұмыс істейді, олардың әрқайсысы әлеуметтік, сөйлеу және тұрмыстық дағдылардың тапшылығын анықтауға және жоюға бағытталған.
«Орталықтың алғашқы күнінен бастап бағдарламамызды қолдағаны үшін Алматы қаласы әкімдігіне алғысымды білдіргім келеді. Қала әкімшілігі ұсынған жаңа ғимарат жыл сайын АСА бар балаларды тәрбиелеп отырған 300-ге жуық отбасын бейімдеу бағдарламаларымен қамтуға мүмкіндік береді. Мұнда біздің мамандар АСА диагностикалауға көмектеседі және балада бұзушылық анықталған жағдайда оны жетіспейтін өмірлік дағдыларды дамыту жөніндегі тиісті бағдарламаға қабылдайды», – деді Болат Өтемұратова Қорының қамқоршылар кеңесінің төрағасы доктор Алмаз Шарман.
Болат Өтемұратовтың бастамасымен ашылған «Асыл Мирас» аутизм орталықтарының желісі бүгінгі таңда Қазақстанның 9 қаласында табысты жұмыс істеуде. Тараз және Қарағандыда орталықтар ашу жоспарлануда.
Қайырымдылық қорының құрылтайшысы және Қазақстан теннис федерациясының президенті ретінде меценаттың қоғамдық қызметінің маңыздылығы мемлекеттік деңгейде атап өтіледі. Қазақстан Республикасы Тәуелсіздігінің 30 жылдығына орай Болат Өтемұратов II дәрежелі «Барыс» орденімен марапатталды.
Дереккөз: