ForteBank активтерін ұлғайтты және Қазақстанның үздік-3 банкіне кірді

Қаржы институты 2018 жылы айтарлықтай өсті

ForteBank өткен жылы активтерін ұлғайтты. Бұл туралы Қазақстан Ұлттық банкі жариялаған деректер куәландырады. Осылайша, 2019 жылғы 1 қаңтарда осы көрсеткіш бойынша ForteBank 18,1%-ға, 1 776,7 млрд теңгеге дейінн өсті. Бір қызығы, банк активтерінің өсу қарқыны тұтастай алғанда нарықтың өсу қарқынынан едәуір озық – 2018 жылы елдің барлық қаржы секторы 4,5%-ға өсті. Мұның бәрі банкке жаңа жылды активтер мөлшері бойынша Қазақстанның банк секторы көшбасшыларының үштігіне кіруден бастауға мүмкіндік берді, бұл бірден екі позицияға өсуді көрсетті.

Тағы бір маңызды көрсеткіш — өтімділік деңгейі – ForteBank нарықтағы ең жоғары көрсеткіштердің бірі болып қала береді. Осылайша, ағымдағы өтімділік коэффициенті К4 (ағымдағы айналым активтерінің қысқа мерзімді міндеттемелерге қатынасы) кемінде 30% норматив кезінде 154% құрайды.

ForteBank басқарма төрағасы Гурам Андроникашвили банктің позициясын нығайту туралы былай деп түсіндірді:

– Егер жылдың алдын ала қорытындыларын салыстыратын болсақ, онда бізде өткен жылдан 45-50% жоғары. Бұған екі себеп бар. Біріншіден, бөлшек бизнесте де, ШОБ-та да жаңа клиенттерді тарту бойынша белсенді жұмыс жүргізілді. Бұл ретте қызмет көрсетудің жоғары сапасы мен банк нарығындағы турбуленттілік клиенттерді ForteBank-ке жүгінуге итермелейді. Бұл бізге комиссиялық кірістер мен еркін өтімділіктің айтарлықтай өсуіне мүмкіндік береді. Екіншіден, біз кепілсіз кредит беруге баса назар аудара отырып, бөлшек кредит беруді қайта бастадық. Сондай-ақ, біз ForteX валюталық онлайн-алаңын дамытуды жалғастырамыз және заңды тұлғалар – клиенттердің қолма-қол ақшасыз айырбастауынан түсетін кірісті айтарлықтай арттырдық.

Банк активтерінің өсуі елдің сапалы және тиімді бизнесін ForteBank таңдайтынын тағы да дәлелдеді. Банк, өз кезегінде, активтердің сапасын жақсарту бойынша тұрақты жұмысты мұқият және мақсатты түрде жүргізеді. Кредит берілетін бизнестің көлеміне қарамастан, банк компанияларды мұқият таңдайды. Қаржы нарығындағы кез келген қолайсыз ауа-райына төтеп бере алатын тұрақты және сенімді банктік бизнесті құру басқаша мүмкін емес.

Айта кетейік, ForteBank – тиімділігі халықаралық деңгейде танылған Қазақстанның санаулы банктерінің бірі. Осылайша, әлемдік жетекші рейтингтік агенттіктер — Moody’s және Standard & Poor’s – өткен жылы ForteBank рейтингтерінің тұрақтыдан оңға өзгеру болжамын қайта қарады. Бұдан басқа, банк халықаралық беделді басылымдардан беделді марапаттар алуды жалғастыруда. Атап айтқанда, екінші жыл қатарынан ForteBank The Banker нұсқасы бойынша «Қазақстандағы жыл банкі» сыйлығын алды. Сондай-ақ өткен жылы The International Banker банкке «Бөлшек бизнестегі үздік инновациялық банк» сыйлығын берді.

 

 

Дереккөз: https://forbes.kz/finances/finance/fortebank_uvelichil_aktivyi_i_voshel_v_top-3_bankov_kazahstana/