Құрманғазы атындағы Қазақ ұлттық консерваториясының дарынды студенттері Батырхан Шөкенов атындағы сыйлыққа ие болады
Күзде Құрманғазы атындағы Қазақ ұлттық консерваториясының ең талантты студенттері Батырхан Шөкенов атындағы сыйлыққа ие болады. Бұл туралы Болат Өтемұратова Қорының директоры Марат Айтмағамбетов мәлімдеді.
– Өткен жылы біз Батырхан Шөкенов қорымен белсенді жұмыс істей бастадық. Қазір біз осы қордың ұйымдастырушыларымен бірлесіп төрт жобаны жүзеге асыруды ұйғардық, – деді ол журналистерге 30 тамыз, бейсенбі күні Щучье-Бурабай курорттық аймағында.
Жобалар қатарында Батырхан Шөкенов әндерінің CD/DVD арнайы сыйлық басылымын шығару бар. Сондай-ақ қазан айында Батырхан Шөкенов орындаған қазақ әндерінің ноталық басылымы шығады.
– Қараша айында біз консерваториямен және Батырхан Шөкенов қорымен бірге үрмелі музыкалық аспаптарда алғашқы республикалық конкурс ұйымдастырып, өткізуді көздеп отырмыз. Бұл үрмелі аспапшылар үшін осындай алғашқы байқау болмақ, – деді Айтмағамбетов.
– Біз сондай-ақ Батырхан Шөкенов атындағы шәкіртақы құрдық, ол күздің басында Құрманғазы атындағы консерваторияның ең дарынды студенттеріне, атап айтқанда үрмелі аспапшыларға беріледі. Бұл атаулы шәкіртақы болады, — деді қор басшысы.
Дереккөз: https://forbes.kz/process/fond_bulata_utemuratova_uchredil_stipendiyu_imeni_batyirhana_shukenova/