Нархоз Университетінің дипломдары Еуропада танылды

Нархоз Университеті FIBAA — жоғары білімнің сапасы мен сараптамасы бойынша жетекші халықаралық агенттіктің аккредитациясын алды, оның дипломдарын енді Еуропадағы жоғары оқу орындары мен жұмыс берушілер мойындайды.

Бұл студенттер мен түлектерге не беретіні туралы Нархоз Университетінің президенті Мирас Дәуленов айтып берді

Мирас Мұхтарұлы, Нархоз неліктен FIBAA аккредитациясына өтініш берді?

– Білім мен ғылым бір ел шегінен әлдеқашан асып кетті. Оқшауланған жүйеде білім беруді дамыту және зерттеу жүргізу мүмкін емес. Өйткені жоғары оқу орындарының көптеген түлектері оқуын жалғастыру үшін шетелге кетеді, жұмыс іздеп Еуропаға баратындар бар. 

Жоғары оқу орындарының еуропалық стандарттарға сәйкестігін бағалаумен Еуропалық сапаны қамтамасыз ету тіркеліміне (EQAR) және басқа да танылған ұйымдарға кіретін аккредиттеу органдары айналысады. Бұдан басқа, FIBAA EQAR құрамына кіреді, Еуропалық жоғары білім сапасын қамтамасыз ету қауымдастығының (ENQA) мүшесі болып табылады.

FIBAA аккредиттеуі – бұл университеттер мен жұмыс берушілердің Еуропадағы Нархоз Университетінің дипломдарын мойындауы. Алайда, FIBAA аккредиттеуі АҚШ пен Қытайда да танылады.

Аккредиттеу процесі қаншалықты қиын?

– Нархоз бірден аккредиттеудің екі түріне: институционалдық және бағдарламалыққа өтініш берді. Әдетте, жоғары оқу орындары, алдымен, бағдарламаларды аккредиттеуден өтеді, содан кейін ғана институционалдық аккредиттеуге өтініш береді. Басынан бастап біз жоғары оқу орнының институционалдық дамуынсыз білім беру бағдарламаларының сапасын арттыру мүмкін емес екеніне сенімді болдық. Бағдарламалық аккредиттеуден айырмашылығы, институционалдық аккредиттеу университеттің стратегиясын, қаржылық жағдайын, сапаны қамтамасыз ету жүйесін, ЖОО рәсімдерінің ашықтығын бағалайды. FIBAA өзі мәлімдейтіндей, институционалдық аккредиттеу университеттің «жан-жақты бағалауын» білдіреді. Мен өз тәжірибемнен айтайын, іс жүзінде институционалдық аккредиттеуден өту бағдарламалық аккредиттеуге қарағанда әлдеқайда қиын. Сондықтан болар, FIBAA институционалдық аккредиттеуіне бірнеше ЖОО ғана өтініш берді, алайда көпшілігі ала алмады.  

Нархоз FIBAA сөзсіз институционалдық аккредиттеуін алды – бұл Еуропадағы жоғары оқу орындарына берілетін ең жоғары баға!

FIBAA сондай-ақ біздің бағдарламаларды аккредиттеді, олардың арасында Accounting and Audit (BA, MA, PhD), Management (BA), Marketing (BA), Applied Finance (MA) және Law (BA) бар.

FIBAA аккредиттеуінің қиындығы – бұл Германияның, Швейцарияның және Австрияның жұмыс берушілері құрған Еуропадағы алғашқы халықаралық агенттік. Жұмыс берушілер жоғары оқу орындарын түлектерді даярлау сапасы тұрғысынан бағалайды. Ол үшін FIBAA комиссиясының құрамына жетекші еуропалық жұмыс берушілер кірді. Жалпы, Нархозды бағалауды FIBAA пәндік өлшемшарттардың қатаң жүйесі бойынша таңдаған тәуелсіз сарапшылар жүргізді.

Аккредиттеу рәсімінің өзі өткен жазда басталды. Осыдан кейін біз академиялық және корпоративтік процестерге терең талдау жасадық, оларды түзетіп, бағдарламаларымыздың мазмұнын қайта қарадық, стратегияға өзгерістер қабылдадық. Бұл мәселеде барлық басқару органдары үйлесімді жұмыс істеді. Академиялық кеңес бағдарламалар мәселелерін қарастырды, басқарма операциялық міндеттермен және бюджеттің орындалуымен айналысты, ал директорлар кеңесі стратегияға өзгерістер енгізді.

Мұның бәрі FIBAA-ға жіберілген есептерді дайындауға әкелді, содан кейін FIBAA сарапшыларының біздің қызметкерлермен, студенттермен, түлектермен және жұмыс берушілермен бірқатар сұхбаттары өтті.

Басқа аккредиттеулерден айырмашылығы, FIBAA – бұл evidence-based accreditation. Сондықтан біз есептерде айтылғандардың барлығын стратегияда үнемі дәлелдеуіміз керек еді. Өздеріңіз білетіндей, неміс мінезінің басты белгілерінің бірі – «тәртіп», неміс тілінде Ordnung. Сондықтан FIBAA сарапшылары сұхбат барысында біз есептерде көрсеткеннің бәрін екі рет тексерді.

Жақында Нархоз өзінің жаңа кампусының есігін ашты. FIBAA сарапшылары университеттің инфрақұрылымын бағалады ма?

– Әрине. Оқудағы жайлылық білім беру сапасы стандарттарының біріне айналды. Біздің жаңа кампуста халықаралық стандарттарға сәйкес келетін кітапхана құрылды: бұл АҚШ Конгресс кітапханасының жіктелімін қолданатын ашық қолжетімділіктегі кітапхана. Кітапхана негізгі халықаралық толық мәтінді дерекқорларға жазылды және ең бастысы, 24/7 жұмыс істейді.

Жаңа кампуста студенттерге заманауи оқу және мультимедиялық жабдықтармен жарақталған 112 аудитория, 26 IT зертханасы, ағылшын соты стиліндегі сот залы, студенттер сабаққа дайындалатын немесе бос уақытын өткізетін ашық кеңістіктер бар. Оқытушылар үшін open-space форматында жұмыс кеңістігі ашылды.

Нархоз Еуропада жоғары бағаланды. Бұл оқиғаның біздің қоғам үшін негізгі месседжі қандай?

– Басты месседж – еуропалық деңгейдегі білім қазір Қазақстанда қолжетімді. Егер бұрын еуропалық сапаға сәйкес келетін білім алу үшін шетелге бару қажет болса, енді еуропалық стандарттарға сәйкес келетін білімді Нархоз Университетінде алуға болады.

Осы жылдан бастап біз барлық түлектерге еуропалық диплом қосымшаларын (Diploma Supplement) бере бастадық. Қазақстандық және еуропалық еңбек нарығы үшін FIBAA аккредиттеуін алу тек бір ғана нәрсені білдіреді – түлектердің жоғары білім сапасы!

Технологияның үздіксіз дамуы жұмыс берушілердің еңбек нарығындағы күтулерінің өзгеруіне әкеледі. Нархоз жаңа трендтерге қалай бейімделеді?

– Білім беру бағдарламасын іске қоспас бұрын, оның еңбек нарығында сұранысқа ие мамандарды шығаруға қаншалықты қабілетті екендігін бағалаймыз. Бағдарламаны жұмыс берушілермен келіспей, ол іске қосылмайды.

Біз сондай-ақ студенттерге өздерінің негізгі бағдарламаларымен бірге мамандандырулар ала алатын Minor-бағдарламаларды ұсынамыз. Нархоз қоржынында біз The Ritz-Carlton Astana, Rixos Borovoe, EY компанияларымен ашқан дуалды бағдарламалар да ұсынылған. Бұл біздің студенттерге жұмыс берушіден білім алуға мүмкіндік береді. 

Нархоз – өз үлгісіндегі дипломдардан басқа, өз түлектеріне «жұмсақ дағдылар» деңгейін көрсететін құзыреттілік картасын беретін елдегі жалғыз жоғары оқу орны.

Биыл біз бітірген жылдарына қарамастан түлектерді жаңарту бағдарламасын іске қостық, бұл студенттерге Нархоз ұсынатын білім сапасына өмір бойы кепілдік береді.

Мұндағы ең бастысы – біз студенттерге оқуды үйретеміз. Білім ескіреді, бірақ ақпаратты табу және пайдалану мүмкіндігі кез келген салада әрқашан пайдалы болады.

FIBAA аккредиттеуін алғаннан кейін, Нархоз өз мақсатына жетті деп айта аласыз ба?

– Біздің мақсатымыз – 2025 жылға қарай Нархозды толық халықаралық тануға қол жеткізу. Осыған байланысты халықаралық аккредиттеулер — жақсы мейрамхана үшін оның жалпы танылуын қамтамасыз ететін «Мишлен» жұлдызы сияқты. Биыл біз жаңа бағдарламалар бойынша FIBAA аккредиттеуіне, EFMD аккредиттеуіне өтініш береміз. Университетте «Мишлен» жұлдыздары неғұрлым көп болса, соғұрлым оның білімі танымал және беделді болады.

Дереккөз: Forbes.kz