Болат Өтемұратов Қоры Алматыда және Астанада коронавирустық инфекцияны анықтауға 94 мың жедел тест сатып алды, деп хабарлады ұйым. Жобаны іске асыруға 200 миллион теңге бөлінді.
«10 минут ішінде капиллярлық қанның экспресс-тесттері COVID-19 коронавирусына антиденелердің болуын анықтайды. ҚХР өндірісінің тесттері Еуропалық парламент пен Еуропа кеңесінің 98/79/ЕО медициналық диагностика құралдары жөніндегі директивасының ережелеріне сәйкес келеді және Алматыдағы Орталық референс-зертханада міндетті валидациядан өтті. Бұл – кейбір Еуропа елдерінде болғандай, халықты скринингтен өткізу кезінде сапасыз тесттерді пайдалануға жол бермеу үшін қажетті шара», — дейді қорда.
Тестілеу эпидемиологиялық жағдайы бойынша қауіп тобындағы халық арасында тегін жүргізіледі — бұл медицина қызметкерлері мен құқық қорғау органдарының қызметкерлері, ЖРВИ белгілері бар адамдар, стационарлардың созылмалы аурулары бар пациенттері, жұқтырған адаммен байланыста болған немесе инфекция ошағында тұратын адамдар, сондай-ақ шетелден автоөткізгіштер пункттері арқылы келетін адамдар. Талдау медициналық көмек станцияларында, стационарларда, шекаралық автомобиль және теміржол өткелдері мен блок-бекеттердегі арнайы бөлінген үй-жайларда, мобильді пункттерде, жедел жәрдем машиналарында жүргізіледі. Қор тестілеуге тіркеуді де ашты, сауалнаманы мына сайтта толтыруға болады; https://formcovid.eisz.kz/index.html.