Болат Өтемұратовтың қайырымдылық Қоры аутизммен ауыратын балалар дүниеге келген отбасылар үшін оқыту курстарын ашуды жоспарлап отыр. Бұл туралы Қордың директоры Марат Айтмағамбетов мәлімдеді, деп хабарлайды Tengrinews.kz тілшісі.
Халықаралық сарапшылардың бағалауы бойынша Қазақстанда аутистік спектр асқынулары бар 50 мыңға дейін бала тұруы мүмкін. Үш жыл ішінде Болат Өтемұратов Қорының «Асыл Мирас» орталықтарында үш мыңға жуық бала түзетуден өтті.
«Өкінішке қарай, біз баланың курстан өткен, жақсы нәтиже көрсеткен, сөйлесе бастаған, коммуникативтік бұзылыстары төмендеген немесе мүлде кеткен кейін, отбасына оралғаннан бірнеше айдан кейін қайтадан бастапқы деңгейге келген жағдайларды білеміз», — деді Айтмағамбетов 2017 жылдың қорытындысы бойынша кездесуде.
Ол Қор қазір осындай балалармен жұмыс істеу бойынша мамандарды белсенді оқытып жатқанын, олардың бір бөлігі Қазақстан өңірлерінде басқаларды оқытуға дайын екенін, бірақ келесі жылы ерекше балалардың ата-аналары да оқытудан өтетінін айтты.
«Біз өте көп байқам ата-аналарды кездестіреміз. Ата-аналардың аз бөлігі баламен айналысуға, көбірек көңіл бөлуге дайын, олар жұмысбасты және т.с.с. Ал аутизммен ауыратын бала көп уақытын ата-анасымен өткізеді. Сондықтан бізде ата-аналарды оқыту міндеті тұр, біз бірде-бір маман, бірде-бір орталық балаға оның отбасы сияқты көмектеспейді деген қорытындыға келдік. Баламен үнемі айналысу керек, ата-аналар бұған дайын болуы керек. Бұл келесі жылдың маңызды сәттерінің бірі болмақ», — деді Марат Айтмағамбетов.
Қордың қамқоршылық кеңесінің қатысушыларының қорытынды кездесуінде 2017 жылы қайырымдылық қызметінің қорытындысы шығарылды. «Аутизм. Баршамызға бір әлем» жобасына 492,4 миллион теңге, «Баламан. Мектеп оқушыларының денсаулығы» жобасына – 43,7 миллион теңге, ТЖ кезінде зардап шеккендерге көмек көрсету жобасына — 67,2 миллион теңге жұмсалды.
Сонымен қатар, қатысушылар Аружан Саин қайырымдылық ұйымымен ынтымақтастық туралы айтып берді, оның аясында Болат Өтемұратов Қоры биылғы жылы 5,1 миллион теңге бөлінген церебралды сал ауруын зерттеуді қаржыландыруды бастады.
«Бізде басымдықтарды таңдауда екі негізгі қағидат бар: біріншісі — бұл сұранысқа ие болу үшін, екіншісі — мемлекет рөлін алмастырмау, өйткені мемлекет көптеген әлеуметтік міндеттерді орындайды. Біз мемлекеттің әлеуметтік міндеттемелерін қандай да бір жолмен қайталамауымыз немесе алмастырмауымыз керек. Мен өз уақытында аутизм сияқты бағытты таңдағанымызға қуаныштымын және осы бағытта елеулі нәтижелерге қол жеткіздік, бірнеше орталықтар құрдық, тұтас әдіснаманы әзірледік, енді біз одан әрі дамуға дайынбыз», — деді қамқоршылар кеңесінің төрағасы және медицина ғалымы Алмаз Шарман.