Биылғы жылы «Алтын жүрек» сыйлығына Қазақстанның түкпір-түкпірінен 300-ге жуық өтінім келіп түсті, оның жартысын жеке тұлғалар тапсырды.
Алматыда «Алтын жүрек» XII ұлттық қоғамдық сыйлығының жеңімпаздары марапатталды. Қазылар алқасы 12 түрлі номинация бойынша үздіктерді таңдады. Жүрек түріндегі мүсіншелер түріндегі марапаттарды лауреаттарға Қазақстанның белгілі еңбек сіңірген қайраткерлері мен көрнекті тұлғалары табыс етті.
«Алтын жүрек» сыйлығының Жыл қайырымдылығы ретінде кәсіпкер Болат Өтемұратов танылды. Ол денсаулық сақтау, мәдениет және білім беру жобаларын белсенді қолдайды. Осылайша, Қазақстанда аутизммен ауыратын балаларға арналған алты «Асыл Мирас» орталығы ашылды, балалар медициналық мекемелерін жарақтандыру үшін жыл сайынғы Burabike қайырымдылық фестивалі өткізіледі, Батырхан Шөкенов атындағы қорды, Церебралды сал ауруы бар балалардың ата-аналар қауымдастығын (АРДИ), Аружан Саиннің ДОМ қорын, VitAlem белсенді және салауатты ұзақ өмір сүру коалициясын, Қазақстанның Қызыл Жарты Ай қоғамын қолдайды.
«Денсаулық сақтау саласына қосқан үлесі үшін» номинациясы бойынша 30 жылдан астам уақыт бойы жас балалардағы тірек-қимыл аппараты патологиясын хирургиялық емес емдеумен айналысқан профессор және медицина ғылымдарының докторы Роза Әлімханова үздік атанды. Балалармен ұзақ жылдар бойы жұмыс істеу және туа біткен деформация проблемаларын зерттеу нәтижесінде Әлімханова әлемде теңдесі жоқ емдеудің бірегей әдісін әзірледі. Ол 2000-нан астам баланы аяғына қойды. Оны бірінші әйел өнертапқыш және батыр ана деп атайды.
«Қоршаған ортаны қорғауға қосқан үлесі үшін» жаңа номинациясында Tazalyk экологиялық жобасы жеңімпаз атанды. Жобаны ұйымдастырушылар мектептерде, университеттерде, бизнес-орталықтарда қалдықтарды бөлек жинау үшін экобокстар орнатып, қайта өңдеуге жібереді. Осының арқасында олар 900-ден астам ағашты кесуден сақтай алды.
«Үздік дәрігерлермен 500-ден астам онлайн-консультациялар өткізген bestdoctor.kz порталы әлеуметтік желілерде «Ақпараттық қайырымдылық» номинациясы бойынша жеңімпаз атанды. Жоба аясында «Дәрігер ұсынады» 60 бағдарламасы шығарылды, онда дәрігерлер халықтың жанды сұрақтарына негізделген кеңестер береді», – делінген хабарламада.
Baurzhan қорының ұйымдастырушылары қоғамның ажырамас бөлігі ретінде қайырымдылық пен меценаттықты дамыту мақсатын қоятынын атап өтті.
«Алтын жүрек-2018» сыйлығының лауреаттарының толық тізімі:
- «Қазақстанның дамуына қосқан үлесі үшін» – Ольга Батутина және Илья Байгабулов (Мәскеу қаласы, РФ).
- «Білім беруді қолдағаны үшін» – Асылбек Қожахметов (Алматы қаласы).
- «Денсаулық сақтауға қосқан үлесі үшін» – Роза Әлімханова (Қарағанды қаласы).
- «Ардагерлерге қамқорлық жасағаны үшін» – Сейдахмет Қалтаев (Жамбыл облысы, Тараз қаласы).
- «Жыл ұйымы» – «Харекет» ҚҚ (Алматы қаласы).
- «Ақпараттық қайырымдылық» – www.bestdoctor.kz медициналық ақпараттық порталы (Астана қаласы).
- «Жыл меценаты» – Сергей Глушков (ШҚО, Шемонаиха ауданы, Первомайский кенті).
- «Спортты қолдағаны және дамытқаны үшін» – Арман Машимов (ШҚО, Семей қаласы).
- «Қоршаған ортаны қорғауға қосқан үлесі үшін» – «Тазалық» экологиялық жобасы (Алматы қаласы).
- «Жетім балаларға көмек көрсеткені үшін» – Гүлнар Қабылбекова (Алматы облысы, Үштөбе қаласы).
- «Жыл қайырымдылығы» – Болат Өтемұратов (Алматы қаласы).
- «Мүмкіндігі шектеулі жандарға қамқорлық жасағаны үшін» – Нұржан Әлжанова (Алматы қаласы).
«Сыйлық дәстүрлі түрде іс-әрекеттері мейірімділік пен гуманизмнің қоғам өмірінде үлкен рөл атқаратынын дәлелдейтін ұйымдарға және адамдарға беріледі. «Алтын жүрек» сыйлығының он екі жылдық тарихы бар, оның барысында бүкіл Қазақстан бойынша – шағын ауылдардан бастап ірі қалаларға дейін үш мыңнан астам игі істер жасалды. Жыл сайын лауреаттар саны артып келеді, бұл қайырымдылықтың қоғамда орын алатынын тағы да дәлелдейді», – делінген сыйлық ұйымдастырушыларының хабарламасында.