Ол австриялық Юрий Родионовты жеңді. Кездесу қорытындысы – 6:1, 6:2.
Американдық теннисші Маккензи Макдональд Нұр-Сұлтанда Forte Challenger 100 жалғыз разрядында жеңіске жетті Шешуші ойында американдық теннисші австриялық Юрий Родионовты 6:1, 6:2 есебімен жеңді, деп хабарлайды Қазақстан теннис федерациясының сайты.
«Финалға екі теннисші де жақсы қалпында келді. Родионов финалды сенімді бастады. Американдықтың доп беруінше бірінші геймде австриялықта екі брейк-пойнт болды, бірақ екі мықты доп берудің арқасында Маккензи ойынның барысын теңестіріп, келесі ойында күшті форхендпен нүкте қойды. Іске асырылмаған брейк Родионовтың психологиялық жағдайына қатты әсер етті, ол өз доп беруінде қарсыласына екі геймді жіберіп алды. Макдональд қарсыласын бұрыштарда жүгіртіп, бірінші партияны 6-1 есебімен алды», – делінген хабарламада.
Маккензи Макдональд корттың бүкіл ені бойынша агрессивті, қатты соққылармен ойнады және қарсыласының ойынды бәсеңдетуіне жол бермеуге тырысты, бұл оған ұпай әкелді. Австриялық теннисшінің ойыны «шашылды» дейді сарапшылар. Макдональд жинақы болды, ойынға шоғырланды және соққыларды дәл аяқтады.
«Абыржыған Родионов ойынға орала алмады және 2:6 есебімен сетте және жалпы матчта жеңіліп қалды», – деп атап өтті федерацияда.
Марапаттау рәсімінде жеңімпаз қарсыласына жақсы финал үшін, ал ұйымдастырушыларға Forte Challenger 100 турнирін жарқын әрі қызықты еткені үшін алғыс айтты.
«Нұр-Сұлтанда тағы да ойнауға мүмкіндік пайда болған кезде, мен бір минут та күмәнданбадым. Өткен жылдың қазан айында Astana Open 2020 ттурнирінде мен ширек финалға жетіп, қарсыласымнан жеңіліп қалдым. Менің Қазақстан астанасына екінші сапарым сәтті өтті. Осы керемет елдің қонағы бола отырып, мен әр минуттан ләззат алдым», – деді американдық марапаттауында.
Маккензи Макдональд өзінің активіне 100 рейтингтік ұпай жазып, 14 400 долларлық чекті алды.
Қазақстан теннис федерациясының суреті