25 шілдеде Нұр-Сұлтанда Президент Кубогі аяқталды, оның аясында екі ерлер «Челленджері» және ITF W60 сериясындағы бір әйелдер турнирі өтті.
Биыл пандемияға байланысты басқа елдер теннис турнирлерін өткізуден бас тартқан кезде, Қазақстан ойыншылардың қауіпсіздігін қамтамасыз ете отырып, халықаралық деңгейдегі жарыстардың тұтас сериясын өткізеді. Тек ақпан-мамыр айлары аралығында Қазақстан теннис федерациясы ATP Challenger және ITF World Tennis Tour серияларының бірнеше кәсіби турнирлерін өткізді.
Жаз маусымы да қарқынды өтуде. Екі апталық Beeline Challenger 80 – ATP сериясының екі турнирі (Теннис кәсіпқойлары қауымдастығы ұйымдастырған жоғары деңгейлі дүниежүзілік теннис туры) ойындарға бастау берді. Мұнда ең төменгі жүлде қоры 52 мың доллардан басталады. Жеңімпаз 80 ұпай алады. Қатысушылар үшін бұл – мықты қарсыластармен ойнауға, рейтингке көтерілуге және жомарт жүлделер алуға мүмкіндік.
– Біздің спортшыларымыздың – Дмитрий Попко, Денис Евсеев, Григорий Ломакин, Достанбек Ташбулатов, Тимофей Скатовтың ойынын атап өту қажет. Попко Beeline Open Challenger 80 Almaty жартылай финалына, ал Скатов финалына дейін жетті. Өкінішке қарай, финалда жеңіліп қалды, бірақ бұл – өте жақсы нәтиже, өйткені ол жалпы рейтингте көтерілді. Бұл турнирлер не үшін өткізіледі? Біздің спортшыларымыз тәжірибе жинап, беделді турнирлерге қатысуға мүмкіндік беретін рейтингке ие болуы үшін, – деп түсіндіреді қазақстандық теннис турының директоры Дмитрий Савчук.
Сонымен қатар, бұл турнирлерде теннисшілер Wild Card («еркін карта») ала алады, ол жеткіліксіз рейтингі бар ойыншыға турнирге іріктеусіз қатысуға мүмкіндік береді.
– Біз осындай турнирлерді өзімізде өткізген кезде спортшыларымызға «еркін карталарды» ұсына аламыз. Осылайша ойыншылар негізгі турнирге түседі, олар қарсыласын жеңіп, алғашқы ұпайларын жинауға мүмкіндік алады. Сондай-ақ, біз басқа елдермен «еркін карталар» алмасу бағдарламасын жүргізіп жатырмыз, яғни біздің спортшылар алмасу арқылы басқа елдердегі турнирлеріне қатыса алады. Қазір пандемия кезінде әлем бойынша турнирлер көп емес, сондықтан біз спортшыларымызға қолдау көрсетуге, оларға көбірек тәжірибе беруге, рейтинг жинауға және алмасу арқылы басқа турнирлерге қатыстыруға тырысамыз, – дейді Дмитрий Савчук.
Мұндай турнирлердің деңгейі әлемдік рейтингтің Үздік-300 ойыншысының қатысуын білдіреді. Биыл Beeline Challenger 80 турниріне әлемнің түкпір-түкпірінен (Франция, Германия, Ресей, Америка және Азия елдері) спортшылар келді.
30 жылдық тарихы бар турнирлерге қазақ хандары мен сақ патшайымының есімдері берілді
10 шілдеде Нұр-Сұлтанда Президент Кубогі аясында халықаралық ойындар басталды. Биылғы жылы турнирлерге келесі атаулар берілді: әйелдер –Tomiris W60, екі ерлер турнирі – Kerey80 және Zhanibek80.
– Президент Кубогі – бұл Қазақстан тәуелсіздігі жылдарында 30 жыл, одан да ұзақ уақыт бойы бірде-бір турнир өткізілмеген іс-шара. Президент Кубогі турнирлерінің атаулары – бұл өткенге тікелей сілтеме, Керей мен Жәнібек Қазақ хандығын құрған тарихқа ұрпақтар арасындағы байланыс іспетті. Сондықтан олардың есімдері ерлер турнирлерінің атауы ретінде таңдалады, ал әйелдер сақ патшайымының құрметіне Tomiris деп аталады, – деп түсіндіреді турнир атауларын Қазақстан теннис федерациясының PR, маркетинг және ақпарат бөлімінің басшысы Павел Цыбулин.
Президент Кубогінің келесі жаңалығы – ATP бастамасымен қосымша ерлер турнирін қосу. Егер бұрын екі – 80 санатты, жүлде қоры 52 мың доллар ерлер және жүлде қоры 60 мың доллар әйелдер турнирлері өткізілсе, қазір жалпы жүлде қоры 164 мың доллар болатын екі ерлер «Челленджері» және әйелдер турнирі өткізіледі. Биыл оларға 15-20 елдің спортшылары қатысады.
Ал бұдан 10 жыл бұрын Қазақстанда халықаралық турнирлерді өткізу туралы біздің ойыншылар армандай алмады. Ол кезде елде әлемдік стандарттарға сай келетін корттар болған жоқ. Қазақстан теннис федерациясын меценат Болат Өтемұратов басқарғаннан бері жағдай түбегейлі өзгерді. Өңірлерде жоғары талаптарға сай келетін теннис базалары ашыла бастады.
– 2007-2008 жылдарға дейін Қазақстанда ойыншылар да, теннис базалары да көп болған жоқ, ал теннисті дамыту, айталық, үздіктер арасында болған жоқ. Қазір, егер ТМД елдерін салыстыратын болсақ, онда Қазақстан бірінші орында, өйткені әрбір өңірде ашық және жабық корттары бар, барлық инфрақұрылымы бар күшті теннис базалары салынды. Қазақстан теннис федерациясы біздің жас ұрпағымыздың өсіп, дамып, кәсіпқойларға айналуы үшін барлық жағдайды жасауда, – деп атап өтті Дмитрий Савчук.
Спортшылардың жетістіктері тамсандырады. Қазақстандықтардың Франциядағы беделді «Үлкен дулыға» турнирлерінің бірі – маусым айында Парижде өткен «Ролан Гаррос» турнирлеріндегі соңғы өнерін еске алу жеткілікті. Біздің ойыншылар Андрей Голубев пен Александр Бублик жұбы тарихи сенсация жасады: қазақстандық теннис тарихында алғаш рет ерлер арасындағы жұптық разрядта Франция ашық чемпионатының финалына шықты.
Сондай-ақ, жақында Андрей Голубев пен Александр Недовесов жұпта жақсы нәтиже көрсетті. Біздің теннисшілер – Елена Рыбакина, Зарина Дияс, Юлия Путинцева, Ярослав Шведова жаңа шыңдарды бағындыруда. Жасөспірімдер де артта қалмауда.
Айтпақшы, тамыз айында Қазақстанда екі турнир өтеді: Нұр-Сұлтанда 12 жастағы балаларға арналған Tennis Europe Junior Tour және Шымкентте 14 жастағы балаларға арналған Азиялық ATF Junior турнирі. Сондай-ақ, теннис әуесқойлары жаздың соңғы айында тағы бір ITF-25 әйелдер турнирін тамашалай алады. Қыркүйек айында Қазақстанда ең ірі және титулды халықаралық турнир өткізу жоспарда бар, бірақ бұл туралы кейінірек айтатын боламыз.