Ағымдағы жылдың басынан бері әлеуметтік-бағдарланған бизнес аясында облыс кәсіпкерлері 166 қайырымдылық жобасын іске асырды. Оның ішінде 8 жоба облыс орталығының аумағында, 20 жоба аудан орталықтарында және 138 жоба ауылдық округтер деңгейінде жүзеге асырылды.
Салтанатты марапаттау рәсіміне облыс әкімі Алтай Көлгінов, қалалар мен аудандардың әкімдері, облыстық мәслихат депутаттары, басқармалар мен түрлі компаниялардың басшылары, қоғамдық бірлестіктердің, зиялы қауым мен БАҚ өкілдері қатысты. Салтанатты рәсімде «Рухани жаңғыру» жобасы аясында қайырымдылыққа белсенді қатысатын кәсіпкерлер мен қоғам қайраткерлері марапатталды.
Қайырымдылық жасаушылардың белсенді көмегі арқасында ағымдағы жылдың тоғыз айында 166 жоба іске асырылды. «Жомарт жүрек-2018» сыйлығы іс жүзінде туған жеріне, өз өлкесіне деген сүйіспеншілігін көрсетіп, игі істер жасаушылардың барлығына 11 номинация бойынша табысталды.
Биыл Оралда Болат Өтемұратовтың Қорының қолдауымен балаларды оңалтуға арналған барлық қажетті жабдықтармен және арнайы бағдарламалық қамтамасыз етумен жабдықталған «Асыл Мирас» аутизм орталығы ашылды. Қор 2014 жылы құрылды. Игі іс назардан тыс қалмады – қордың қызметі «Жүректен жүрекке» номинациясында атап өтілді. Атақты ақын Ақұштап Бақтыгереева Қор директоры Марат Айтмағанбетовті құттықтап, ескерткіш мүсінін табыс етті.
«Сіздерге облыс тұрғындарының атынан және өз атымнан қайырымдылыққа және әлеуметтік маңызы бар жобаларды іске асыруға белсенді қатысқаныңыз үшін шын жүректен алғысымды білдіремін. Сіздің белсенді азаматтық ұстанымыңыз бен патриотизміңіз барлық қазақстандықтар үшін үлгі болып табылады», – деп атап өтті А. Бақтыгереева құттықтауында.
«Самұрық-Қазына» АҚ компаниялар тобының «Samruk-Kazyna Trust» әлеуметтік жобаларды дамыту қорының қаражатына 550 миллион теңгеге 11 спорт алаңы салынды. Қазір 20 мыңнан астам балалар мен ересекте жабдықталған спорт алаңдарында спортпен шұғылдануға тамаша мүмкіндік пайда болды. Сүйіспеншілікпен және таза жүректен игі істер жасау – салтанатты рәсімде атап өтілгендердің бәрі осындай қағидаттарды басшылыққа алады. Жыл сайын мұндай патриоттар саны көбейіп келеді. Олар туралы Ел Президенті Нұрсұлтан Назарбаев өзінің «Рухани жаңғыру» бағдарламалық мақаласында айтады, оның қызметінен әрбір қазақстандықтың қоғамдық санасын жаңғырту басталады. «Автокомбинат» ЖШС директоры Валерий Голухов өз қаражатына балаларға арналған заманауи спорт алаңын салды. Жобаны іске асыруға 60 миллион теңгеден астам қаражат жұмсалды.
«Мемлекет бізге бизнесте елеулі қолдау көрсетеді. Түрлі мемлекеттік бағдарламалар кәсіпкерлік қызметті белсенді дамытуға бағытталған. Сондықтан өз тарапымыздан да үлесімізді қосқымыз келеді, өңірдегі әлеуметтік маңызы бар жобаларға, мәдениет, спорт және білім беруді дамытуға қатысқымыз келеді. Өскелең ұрпақтың ар-намыс, ар-ождан, патриотизм, өз үйіне, ауласына, туған жеріне деген сүйіспеншілік сияқты ұғымдармен өскенін қалаймын», – дейді В. Голухов.
Салауатты өмір салтын насихаттаумен «Fiesta» ерлер киімі дүкендері желісінің иесі, кәсіпкер Асхат Рамазанов та айналысады. Ол Орал қаласында «Uralsk Runners» жастар қозғалысын ұйымдастырып, облыстық жастар саясаты басқармасы мен «Орал жастары» бірлестігінің қолдауымен алғашқы қайырымдылық жүгіру жартылай марафонын өткізді.
«Алдағы мерекелерде аналар, балалар үшін үлкен марафон өткізу жоспарлануда. Біз «Орал – мықты адамдар қаласы» жобасымен жұмысты жалғастырамыз, онда жастарға түрлі тренингтер өткіземіз, қаланы тазалау бойынша және жастардың санасын жақсы жаққа өзгерту үшін түрлі науқандар ұйымдастырамыз», – деп атап өтті А. Рамазанов.
Салтанатты рәсімде облыста танымал кәсіпкерлер Роберт Ирменов, Валентина Михно, Серік Мерғалиев, Валерий Жүнісов, Жаслан Жақыпов, туған ауылында медициналық пункт салған ағайынды Сералиевтер, «Бәйтерек» қоғамдық бірлестігі, сондай-ақ еріктілік қызметпен айналысатын облыстың бірнеше тұрғыны марапатталды.
Дереккөз: https://www.nur.kz/1761022-ceremonia-nagrazdenia-premii-zomart-zurek-2018-prosla-v-zko.html